Gníomhach

Bunscoil

Sath Lún 23 2025

Aoine DFómh 3 2025

Luan DFómh 20 2025

Buan

Príomhshruth

Ingearach

Comhoideachas

Caitliceach

Gaelscoil

25

400

Tá

Gaelscoil

Folúntas do Phríomhoide Tánaisteach

Tugann Bord Bainistíochta Scoil an Duinnínigh, faoi phátrúnacht Ardeaspag Bhaile Átha Cliath, Dermot Farrell, Uimhir Rolla: 19898K, cuireadh d’iarratais ar an bpost mar Phríomhoide Tánaisteach.

Is ceapachán buan é seo a dhéanfar trí iomaíocht oscailte.

Critéir Incháilitheachta:

Ní mór d’iarrthóirí:
• A bheith Lán-chláraithe faoi Bhealach 1 (Bunscoil) leis an gComhairle Mhúinteoireachta.
• 5 Bliain caite i mbun seirbhís mhúinteoireachta aitheanta, agus 2 Bliain den mhéid seo i mbunscoil aitheanta i bPoblacht na hÉireann

Ciorclán 0044/2019, 1.2: ‘Cé go bhfuil an Príomhoide freagrach i ndeireadh na dála don Bhord Bainistíochta, de réir mar is cuí, as bainistíocht agus ceannaireacht na scoile, tá post ríthábhachtach ag an bPríomhoide Tánaisteach i bhfoireann na ceannaireachta sinsearaí i scoil. Éilíonn ceannaireacht roinnte oscailteacht agus toilteanas ó Phríomhoidí agus Príomhoidí Tánaisteacha an cheannaireacht agus freagrachtaí bainistíochta a roinnt agus a dháileadh ar shlí a spreagann comhpháirtíocht agus a thacaíonn léi. Comhoibríonn an Príomhoide Tánaisteach leis an bPríomhoide agus ról an Phríomhoide á chomhlíonadh aige/aici agus feidhmíonn sé/sí mar Phríomhoide nuair a bhíonn an Príomhoide as láthair. Ní eascraíonn aon chearta uathfheidhmeacha i dtaca le teacht i gcomharbacht mar Phríomhoide as bheith ag feidhmiú mar Phríomhoide’.

Feidhmeoidh an té a cheapfar mar bhall lárnach d’fhoireann ceannasaíochta agus bainistíochta na scoile. Tá sé rí-thábhachtach go mbeadh na róil agus freagrachtaí sannta fós ábhartha do riachtanais agus thosaíochtaí na scoile. Ní mór athbhreithniú a dhéanamh ag eatraimh rialta ar shannadh ról agus freagrachtaí, agus é a dhéanamh gach dhá bhliain ar a laghad.

Beidh roghnú an iarratasóra rathúil bunaithe ar cheithre inniúlacht atá ar aon dul leis an gCreat Cailíochta Um Cheannaireacht agus Bainistíocht i Scoileanna na hÉireann:
1. Teagasc agus Foghlaim a threorú
2. An Eagraíocht a bhainistiú
3. Forbairt scoile a threorú
4. Inniúlacht cheannaireachta a fhorbairt

Ag teacht leis na réimsí thuasluaite, agus ag obair go dlúth leis an bPríomhoide, bainfidh freagrachtaí an phoist seo le forbairt churaclaim uile-scoile, forbairt polasaithe, bainistíocht laethúil na scoile agus pleanáil straitéiseach d’fhorbairt na scoile.

Léireoidh an t-iarratasóir rathúil, go hidéalach:

• Tuiscint agus Tiomantas do Luachanna, Fís agus Éiteas Caitliceach Scoil an Duinnínigh.
• Tiomantas agus spéis bheo do chur chun cinn agus do chaomhnú na Gaeilge agus an chultúir
• Fianaise ar leibhéal ard tiomantais d’Fhorbairt Ghairmiúil Leanúnach
• Fianaise ar obair mar pháirt d’fhoireann agus caidrimh dhearfacha a chothú le baill foirne, Bord Bainistíochta, gníomhaireachtaí seachtracha, tuismitheoirí/caomhnóirí agus an pobal scoile níos leithne
• Saineolas ar cheannaireacht, bainistíocht agus riarachán scoile
• Scileanna ceannaireachta cruthaithe, lena n-áirítear forbairt agus cur i bhfeidhm beartais
• Ardscileanna cumarsáide agus idirphearsanta mar aon le cumas daoine a bhainistiú
• Tiomantas don cheannaireacht roinnte agus acmhainn na ceannaireachta a fhorbairt sa scoil
• Tuiscint ar an bpróiseas féinmheastóireacht scoile agus forbairt polasaithe
• Tuiscint agus eolas ar na riachtanais atá nasctha le soláthar na gCásanna Oideachais Speisialta, cuimsiú agus éagsúlacht
• Eolas domhain ar an gCuraclam Nua Bunscoile agus réimse leathan taithí múinteoireachta


Glacfar le hiarratais leictreonacha (ríomhphost) amháin chuig foluntas@scoiland.ie faoi bhráid Chathaoirleach an Bhoird Bainistíochta roimh 12 meánlae ar an 3/10/2025 .

Tá trí iarratas bailí ar a laghad ag teastáil le dul ar aghaidh.

Beidh an ceapachán faoi réir riachtanais Grinnfhiosrúcháin an Gharda Síochána, tagairtí sásúla, agus scagadh leighis réamhfhostaíochta.

Tá sé riachtanach go mbeadh Dearbhú Reachtúil bailí ag an duine a cheapfar agus go gcomhlánódh siad an Fhoirm Ghealltanais.